Veni Sancte Spiritus

Veni, Sáncte Spíritus. et emítte cǽlitus. lúcis tuæ rádium. Veni, páter páuperum. veni, dátor múnerum. veni, lúmen córdium. Consolátor óptime. dúlcis hóspes ánimæ. dúlce refrigérium. In labóre réquies. in ǽstu tempéries. in fletu solátium. O lux beatíssima. reple córdis íntima. tuórum fidélium. Sine túo númine. nihil est in hómine. nihil est innóxium. Lava quod est sórdidum. ríga quod est áridum. sana quod est sáucium. Flecte quod est rígidum. fove quod est frígidum. rege quod est dévium. Da túis fidélibus. in te confidéntibus. sácrum septenárium. Da virtútis méritum. da salútis éxitum. da perénne gáudium. Amen. Allelúia